منذ حوالى اسبوع كدت أفقد صديقه عمرى .. صدمتها سياره مسرعه وهى تقود دراجتها البخاريه ...
لم تصب بأى خدوش .. ولكن راسها أرتطم بشده بأحد أعمده الإناره .. ولم تكن ترتدى خوذه القياده ... مما جعلها تفقد
الوعى لثلاثه أيام كامله ...
كنت أنا ووالدتها نتناوب مرافقتها .. حتى افاقت وبدأت تعود إلى طبيعتها .... ولكنها كانت ترفض الحديث إلى أحد ...
حتى مع الطبيب الذى كان يتولى علاجها ...
- الدنيا حر قوى النهارده والمواصلات أخر بهدله ....
محمود كل يوم يسألنى عليكى .. عايز ييجى يزورك .. قولتله والدتها مقيمه معاها .. مش حاينفع .. استنى لما تخرج ..
عديت على الدكتور اللى بيعالجك .. قالى حالتها مستقره .. تقدروا تاخدوها البيت .. بس سيبوها تستريح .. وترجع
لحالتها الطبيعيه بالتدريج .. ماتضغطوش عليها ..
قولت لمامتك إنى حاأخدك عندى فى البيت تقعدى معايا كام يوم ... قالتلى طيب ....
يالا قومى لمى حاجتك علشان نمشى ...
- أنا مرعوبه ....
مش باقدر أنام ...
بأخاف أغمض عينيا ...
- ليه ؟ بتشوفى كوابيس ؟
- لأ ...
- فيه أيه يابنتى !!! إتكلمى ....
- خايفه أقولك تضحكى على .... خايفه تفتكرونى إتجننت ... خايفه تدخلونى مستشفى الأمراض العقليه ....
- ده الموضوع بجد بقى .... أنا كده قلقت فعلا ... أيه اللى حصل ؟؟ لازم تقوليلى ... أحنا عمرنا ماخبينا حاجه على بعض ...
- أحلفى إنك مش حاتقولى الكلام ده لأى حد ... مهما كان الحد ده ... أحلفى ...
- أحلف أيه !! أنتى جرالك أيه !! أنا عمرى قلت كلام إنتى قولتيهولى لحد ؟؟؟
- اللى أنا شوفته ده كان حقيقى .... ماكانش حلم ... أقسم لك كان حقيقى ...
- شوفتيه أمتى وفين ؟؟؟ قصدك وإنتى فى الغيبوبه ؟؟؟؟
- أه ....
- شوفتى النار والناس اللى بتتعذب ؟؟؟ شوفتى الملايكه والشياطين ؟؟؟ شوفتى أيه ؟؟
- عايزه أشرب ... ريقى ناشف ...
- بلاش تنفعلى ... خلينا نتكلم فى الموضوع ده بعدين .. لما أعصابك تستريح ...
- لما دخلت فى الغيبوبه ... مارحتش عالم تانى ... أنا فضلت فى عالمنا ده ...
كنت شايفه كويس جدا .. أحسن ماأنا شايفه دلوقتى ... وسامعه كل حاجه .. أحسن ماأنا سامعه دلوقتى ....
ماكانش حلم .. ولا كابوس .. ولا تهيؤأت .... كان حقيقى ..
- لحظه واحده ... خدى نفسك ...
إنتى بتحاولى تقنعينى .. والا تقنعى نفسك ؟؟؟؟
أنا مصدقاكى من غير ماأسمع إنتى حاتقولى إيه ... لازم تكونى متأكده من كده ....
- شوفت الناس بصوره مختلفه تماما عن الصوره المألوفه اللى أحنا بنعرفها ... مش ناس مختلفه ... الناس اللى
حوالينا .. الناس اللى باعرفهم وباشوفهم كل يوم ....
- أزاى يعنى ؟؟؟
- بالألوان ... ألوان قويه جدا ... بتخلى ملامح الوش .. وتفاصيل الجسم مش مهمه خالص .. كل تركيزك بيبقى على
الألوان ... لأن الألوان دى هى اللى بترسم شخصيه كل واحد قدامك ....
- مش فاهمه ....
- عارفه البقر الأبيض فى أسود !!!! عارفه كلاب الصيد المنقطه !!! حاجه كده ....
بس مش أبيض وأسود .... ألوان كتيره .. أصفر وأحمر وأخضر وأزرق ....
- والألوان دى من أيه بقى ؟؟؟
- ألألوان دى هى صفات كل واحد وملامح شخصيته ....
ألأبيض .... بيمثل الصفات الجميله النقيه زى القناعه والرضا والوفاء والإخلاص ... وهكذا
ألأصفر .... بيمثل الحياء والتواضع ...
البرتقالى .... بيمثل البصيره والإدراك والحس المرهف ....
ألأحمر ... بيمثل الذكاء والنبوغ والإبداع ...
ألأخضر .... بيمثل الحب والعطف والعطاء والتضحيه ....
ألسماوى .... بيمثل ألأيمان والطاعه والخضوع ....
الأزرق .... بيمثل الطموح .. الجراءه .. الثقه بالنفس .. قوه الشخصيه .. القياده ...
- وليه الحاجات دى متصوره على شكل طفح جلدى بالألوان ؟؟؟؟
- أنا باعتقد أن الألوان بتمثل جزء مهم من إعجاز الخالق سبحانه وتعالى ....
شوفى مثلا ورق الشجر .. اللى لو سألتى أى واحد عن لونه حايقولك أخضر .... روحى أى غابه ... أو شوفى على
النت ... كام درجه من درجات الأخضر موجوده فى ورق الشجر ... وبعدين شوفى فى فصل الخريف .. واللون الأخضر
بيتحول إلى الأبيض والبيج والأصفر والبرتقالى والبنى والأحمر .. دى غير أنه فى ورقه شجر واحده ممكن تلاقى
لونين ثلاثه مع بعض ....
شوفى صور المجرات السماويه ... وشوفى الإبداع والإبهار فى استخدام الألوان ... ودى ألوان الدنيا ....
أكيد فى ألأخره حانشوف ألوان تانيه خالص مش ممكن تخطر على بال أى بشر ....
- ممكن ... المهم كملى ... شوفتى أيه تانى ...
- أه ... كل طفل لما بيتولد .. بيكون له نصيب متفاوت من الصفات اللى قولتلك عليها دى ... بتبقى مرسومه على جلده
فى شكل ألوان متناسقه وجميله ... بس نسب الألوان دى بتبقى مختلفه من طفل لأخر ...
تيجى بقى البيئه اللى بيتولد فيها الطفل ... العائله .. الشارع .. الأصدقاء .. المدرسه .. المجتمع .. إلى أخره .. تبتدى
تغير فى حجم الصفات دى شخصيته ... يزيد الذكاء أو يقل ... ينمو الطموح أو ينعدم ... تزيد الأنانيه وحب الذات
والمصلحه وتغطى على حب الخير والعطاء ... وهكذا ...
كل ده بيبقى واضح قدامك على كل شخص بتشوفيه ... الناس باينه على حقيقتها ... مافيش أقنعه مزيفه ...
تخيلى لو ده موجود فى الواقع فعلا ... وكلنا مكشوفين قدام بعض ...
- مش قادره أتخيل بصراحه ...
- شوفى بقى اللى أنقح ... الناس أخترعت ألوان جديده مش موجوده فينا أصلا ....
لما بيطغى على الشخص اللون الأزرق بتاع الطموح .. مع اللون الأحمر بتاع الذكاء ... بيغطوا على ألألوان التانيه
بتاعه الخير ... وبيكونوا لون جديد .. هو اللون البنفسجى أو الموف ... وده بيخلق جوه الشخص نوع من التمرد
والكبر والعناد والغرور ... يخليه يتمرد على الدين .. وعلى التعاليم الإلهيه .. ويسخر من الفضائل ... وينعدم عنده
الحياء ... ويشجع الناس على الرذيله .. وماتعجبوش صورته اللى ربنا خلقه عليها ... يروح يعمل تاتو على جسمه ..
ويخرم ودانه .. ويخرم مناخيره ... وتروح تكبر صدرها ... وتشد وشها ... والراجل يتجوز راجل ... والست تتجوز
ست ... وفى الأخر ياخدوا هرمونات .. ويعملوا عمليات .. علشان يتحولوا من جنس لجنس تانى ...
- والعياذ بالله ...
- ولسه .....
اللون البنفسجى ده مش ثابت ... بيبتدى فاتح .. وبعدين بيفضل يغمق لحد مابيبقى أسود .... لما الإنسان بتسيطر
عليه الأنانيه .. والحقد .. والكراهيه .....
من أول اللى بيرمى ورقه فى الشارع .. لغايه اللى بيسرق ويرتشى ... واللى بيبيع للناس لحم الكلاب والحمير ...
واللى بيعذب الناس ويقتلهم ... واللى بيخطف الأطفال ويبيعهم .. واللى بيتنازل عن أرضه وعرضه وشرفه ....
اللى رعبنى .. إنى بصيت حواليا لقيت الناس كلها بقت أسود وموف ... اللون الأبيض منعدم ... اللون ألأخضر
نادر ...
حانعمل أيه !!!! أنا مرعوبه .... أحنا عايشين فى غابه ....
- تترعبى على أيه !!! ولا تشغلى بالك خالص ...
أولا ... مش أنتى أول واحده تشوف الحكايه دى ... والدليل على كده أن فيه ناس لما بتقابلك بتقولك أيش لونك
هههههههههههههههههه
بصى .. أنا من غير ماأدخل فى غيبوبه ... ولا أشوف ألوان ولا غيره ... شايفه كل اللى أنتى بتقوليه ده .... شايفه
الناس أتغيرت أزاى ... شايفه الناس بقت بتعبد القرش وبتتعامل بالمصلحه .. شايفه الناس ماعدتش عندهم لا رحمه
ولا إنسانيه ..
شايفه الظلم فى كل مكان .. القهر .. الذل .. الفقر .. الجهل .. المرض .. الإنحدار .. الإسفاف ..
مالناش دعوه بحد ... ربنا خلق لنا العقل .. وخلق لنا الضمير .. وعلمنا الصح والغلط ...
مالك ومال الناس ... ربنا سبحانه وتعالى قال فى الحديث القدسى ... وأعلم أن الأمه لو أجتمعت على أن ينفعوك بشئ
لم ينفعوك إلا بشئ قد كتبه الله لك , وإن إجتمعوا على أن يضروك بشئ لم يضروك إلا بشئ قد كتبه الله عليك ...
بس خلاص ...
قومى يالا حضرى شنطتك خلينا نروح ...
بأخاف أغمض عينيا ...
- ليه ؟ بتشوفى كوابيس ؟
- لأ ...
- فيه أيه يابنتى !!! إتكلمى ....
- خايفه أقولك تضحكى على .... خايفه تفتكرونى إتجننت ... خايفه تدخلونى مستشفى الأمراض العقليه ....
- ده الموضوع بجد بقى .... أنا كده قلقت فعلا ... أيه اللى حصل ؟؟ لازم تقوليلى ... أحنا عمرنا ماخبينا حاجه على بعض ...
- أحلفى إنك مش حاتقولى الكلام ده لأى حد ... مهما كان الحد ده ... أحلفى ...
- أحلف أيه !! أنتى جرالك أيه !! أنا عمرى قلت كلام إنتى قولتيهولى لحد ؟؟؟
- اللى أنا شوفته ده كان حقيقى .... ماكانش حلم ... أقسم لك كان حقيقى ...
- شوفتيه أمتى وفين ؟؟؟ قصدك وإنتى فى الغيبوبه ؟؟؟؟
- أه ....
- شوفتى النار والناس اللى بتتعذب ؟؟؟ شوفتى الملايكه والشياطين ؟؟؟ شوفتى أيه ؟؟
- عايزه أشرب ... ريقى ناشف ...
- بلاش تنفعلى ... خلينا نتكلم فى الموضوع ده بعدين .. لما أعصابك تستريح ...
- لما دخلت فى الغيبوبه ... مارحتش عالم تانى ... أنا فضلت فى عالمنا ده ...
كنت شايفه كويس جدا .. أحسن ماأنا شايفه دلوقتى ... وسامعه كل حاجه .. أحسن ماأنا سامعه دلوقتى ....
ماكانش حلم .. ولا كابوس .. ولا تهيؤأت .... كان حقيقى ..
- لحظه واحده ... خدى نفسك ...
إنتى بتحاولى تقنعينى .. والا تقنعى نفسك ؟؟؟؟
أنا مصدقاكى من غير ماأسمع إنتى حاتقولى إيه ... لازم تكونى متأكده من كده ....
- شوفت الناس بصوره مختلفه تماما عن الصوره المألوفه اللى أحنا بنعرفها ... مش ناس مختلفه ... الناس اللى
حوالينا .. الناس اللى باعرفهم وباشوفهم كل يوم ....
- أزاى يعنى ؟؟؟
- بالألوان ... ألوان قويه جدا ... بتخلى ملامح الوش .. وتفاصيل الجسم مش مهمه خالص .. كل تركيزك بيبقى على
الألوان ... لأن الألوان دى هى اللى بترسم شخصيه كل واحد قدامك ....
- مش فاهمه ....
- عارفه البقر الأبيض فى أسود !!!! عارفه كلاب الصيد المنقطه !!! حاجه كده ....
بس مش أبيض وأسود .... ألوان كتيره .. أصفر وأحمر وأخضر وأزرق ....
- والألوان دى من أيه بقى ؟؟؟
- ألألوان دى هى صفات كل واحد وملامح شخصيته ....
ألأبيض .... بيمثل الصفات الجميله النقيه زى القناعه والرضا والوفاء والإخلاص ... وهكذا
ألأصفر .... بيمثل الحياء والتواضع ...
البرتقالى .... بيمثل البصيره والإدراك والحس المرهف ....
ألأحمر ... بيمثل الذكاء والنبوغ والإبداع ...
ألأخضر .... بيمثل الحب والعطف والعطاء والتضحيه ....
ألسماوى .... بيمثل ألأيمان والطاعه والخضوع ....
الأزرق .... بيمثل الطموح .. الجراءه .. الثقه بالنفس .. قوه الشخصيه .. القياده ...
- وليه الحاجات دى متصوره على شكل طفح جلدى بالألوان ؟؟؟؟
- أنا باعتقد أن الألوان بتمثل جزء مهم من إعجاز الخالق سبحانه وتعالى ....
شوفى مثلا ورق الشجر .. اللى لو سألتى أى واحد عن لونه حايقولك أخضر .... روحى أى غابه ... أو شوفى على
النت ... كام درجه من درجات الأخضر موجوده فى ورق الشجر ... وبعدين شوفى فى فصل الخريف .. واللون الأخضر
بيتحول إلى الأبيض والبيج والأصفر والبرتقالى والبنى والأحمر .. دى غير أنه فى ورقه شجر واحده ممكن تلاقى
لونين ثلاثه مع بعض ....
شوفى صور المجرات السماويه ... وشوفى الإبداع والإبهار فى استخدام الألوان ... ودى ألوان الدنيا ....
أكيد فى ألأخره حانشوف ألوان تانيه خالص مش ممكن تخطر على بال أى بشر ....
- ممكن ... المهم كملى ... شوفتى أيه تانى ...
- أه ... كل طفل لما بيتولد .. بيكون له نصيب متفاوت من الصفات اللى قولتلك عليها دى ... بتبقى مرسومه على جلده
فى شكل ألوان متناسقه وجميله ... بس نسب الألوان دى بتبقى مختلفه من طفل لأخر ...
تيجى بقى البيئه اللى بيتولد فيها الطفل ... العائله .. الشارع .. الأصدقاء .. المدرسه .. المجتمع .. إلى أخره .. تبتدى
تغير فى حجم الصفات دى شخصيته ... يزيد الذكاء أو يقل ... ينمو الطموح أو ينعدم ... تزيد الأنانيه وحب الذات
والمصلحه وتغطى على حب الخير والعطاء ... وهكذا ...
كل ده بيبقى واضح قدامك على كل شخص بتشوفيه ... الناس باينه على حقيقتها ... مافيش أقنعه مزيفه ...
تخيلى لو ده موجود فى الواقع فعلا ... وكلنا مكشوفين قدام بعض ...
- مش قادره أتخيل بصراحه ...
- شوفى بقى اللى أنقح ... الناس أخترعت ألوان جديده مش موجوده فينا أصلا ....
لما بيطغى على الشخص اللون الأزرق بتاع الطموح .. مع اللون الأحمر بتاع الذكاء ... بيغطوا على ألألوان التانيه
بتاعه الخير ... وبيكونوا لون جديد .. هو اللون البنفسجى أو الموف ... وده بيخلق جوه الشخص نوع من التمرد
والكبر والعناد والغرور ... يخليه يتمرد على الدين .. وعلى التعاليم الإلهيه .. ويسخر من الفضائل ... وينعدم عنده
الحياء ... ويشجع الناس على الرذيله .. وماتعجبوش صورته اللى ربنا خلقه عليها ... يروح يعمل تاتو على جسمه ..
ويخرم ودانه .. ويخرم مناخيره ... وتروح تكبر صدرها ... وتشد وشها ... والراجل يتجوز راجل ... والست تتجوز
ست ... وفى الأخر ياخدوا هرمونات .. ويعملوا عمليات .. علشان يتحولوا من جنس لجنس تانى ...
- والعياذ بالله ...
- ولسه .....
اللون البنفسجى ده مش ثابت ... بيبتدى فاتح .. وبعدين بيفضل يغمق لحد مابيبقى أسود .... لما الإنسان بتسيطر
عليه الأنانيه .. والحقد .. والكراهيه .....
من أول اللى بيرمى ورقه فى الشارع .. لغايه اللى بيسرق ويرتشى ... واللى بيبيع للناس لحم الكلاب والحمير ...
واللى بيعذب الناس ويقتلهم ... واللى بيخطف الأطفال ويبيعهم .. واللى بيتنازل عن أرضه وعرضه وشرفه ....
اللى رعبنى .. إنى بصيت حواليا لقيت الناس كلها بقت أسود وموف ... اللون الأبيض منعدم ... اللون ألأخضر
نادر ...
حانعمل أيه !!!! أنا مرعوبه .... أحنا عايشين فى غابه ....
- تترعبى على أيه !!! ولا تشغلى بالك خالص ...
أولا ... مش أنتى أول واحده تشوف الحكايه دى ... والدليل على كده أن فيه ناس لما بتقابلك بتقولك أيش لونك
هههههههههههههههههه
بصى .. أنا من غير ماأدخل فى غيبوبه ... ولا أشوف ألوان ولا غيره ... شايفه كل اللى أنتى بتقوليه ده .... شايفه
الناس أتغيرت أزاى ... شايفه الناس بقت بتعبد القرش وبتتعامل بالمصلحه .. شايفه الناس ماعدتش عندهم لا رحمه
ولا إنسانيه ..
شايفه الظلم فى كل مكان .. القهر .. الذل .. الفقر .. الجهل .. المرض .. الإنحدار .. الإسفاف ..
مالناش دعوه بحد ... ربنا خلق لنا العقل .. وخلق لنا الضمير .. وعلمنا الصح والغلط ...
مالك ومال الناس ... ربنا سبحانه وتعالى قال فى الحديث القدسى ... وأعلم أن الأمه لو أجتمعت على أن ينفعوك بشئ
لم ينفعوك إلا بشئ قد كتبه الله لك , وإن إجتمعوا على أن يضروك بشئ لم يضروك إلا بشئ قد كتبه الله عليك ...
بس خلاص ...
قومى يالا حضرى شنطتك خلينا نروح ...
No comments:
Post a Comment