اصبحت أكره الذهاب إلى الشركه .... لم أعد اطيق هذا السيرك المنصوب هناك .... لم أعد أتحمل هذا الحوار العقيم الدائر
طول الوقت والا هذه المشادات المزريه بين الزملاء .... لم أعد استطيع أن أرى أناسا كنت أحبهم وأحترمهم وهم يحقرون
ويسفهون بعضهم البعض .....
يتشاجرون .. يتخاصمون .. تمتلئ صدورهم بالأحقاد والضغينه والكراهيه من أجل شئ لا يستحق كل هذا على الإطلاق ....
إنها أنتخابات الجمعيه العموميه وأعضاء ورئيس مجلس الإداره .....
- صباح الخير ياأستاذنا ..... شاى والا قهوه ؟؟
- قهوه ياإبنى .... شربت شاى فى البيت ....
- صباح الخير يازومل .... أيه ... قررت أيه .... حاتنتخب مين ؟؟؟؟
- يادى النيله على الصبح .... أنتم بتناموا وتقوموا ومافيش فى مخكم غير الموضوع ده !!!!
- وهو فيه أهم من الموضوع ده دلوقتى !!!! دى فرصتنا علشان نحقق احلامنا ... فرصتنا علشان ننتخب واحد مننا ... يحس
بينا ويحقق مطالبنا .... كفايه بقى سنين وأحنا حقوقنا كلها مهضومه ....
- نفس كلام مؤيدى المرشح المنافس .... أصدق مين فيكم ؟؟؟
- تصدقنى أنا طبعا علشان أنا صاحبك وأخوك وحبيبك ....
- بص ياصاحبى .... خلينى اقولهالك بصراحه .... ماحدش فيكم لا بيدور على مصلحه الشركه , والا مصلحه الموظفين والا
مصلحه العمال ..... كل واحد فيكم .... كلكم .... بيدورعلى المرشح اللى من خلاله حايقدر يحقق طموحاته الشخصيه ....
وعايز ينجحه بأى شكل .... ماتزعلش منى .... هى دى الحقيقه ... وهو ده اللى أنا شايفه ...
مصلحه العمال ..... كل واحد فيكم .... كلكم .... بيدورعلى المرشح اللى من خلاله حايقدر يحقق طموحاته الشخصيه ....
وعايز ينجحه بأى شكل .... ماتزعلش منى .... هى دى الحقيقه ... وهو ده اللى أنا شايفه ...
ماحدش فيكم بيبص لبرنامج المرشح وإنما لشخصيه المرشح ..... وده اللى أنا ضده ومعترض عليه ... ومش عايز أكون
طرف فيه .... لأنكم بصراحه متعصبين تعصب أعمى ....
- أنت غلطان .... أنا عايز المرشح بتاعى يكسب علشان أنا واثق أنه الأفضل .... للجميع ....
- بص ياصاحبى ..... أنا لفت نظرى حاجه مهمه فى القرأن .... كان المفروض إننا احنا البشر ربنا يصنفنا صنفين ... مؤمنين
وكفار .....لكن فوجئت بأن فيه صنفين كمان من الناس .... منافقين ومشركين ..... خدت بالك من الحكايه دى !!!!
- كمل ... عايز تقول إيه !!!
- الكفار كفار ... مالهومش حل .... على النار حدف .... المؤمنين مؤمنين ... حايدخلوا الجنه .....
نيجى بقى للمنافقين .... أكيد ماهوماش تبع الالكفار .... يبقوا تبع المؤمنين بس خرجوا عن الخط ... بيقولوا حاجه وبيعملوا
حاجه تانيه ..... قدام الناس حاجه ومن وراهم حاجه تانيه ... صح ؟
- عايز تقول إيه ؟؟؟؟
- نيجى للمشركين .... أكيد ماهوماش تبع الكفار .... يبقوا تبع المؤمنين بس بيعملوا حاجه غلط ..... على الرغم من انهم بيعبدوا
ربنا .... انما بيعبدوا حد أو حاجه تانيه معاه ... صح ؟
- ماتخش فى الموضوع ...
- بص أنا مش شيخ والا فقيه والا أزهرى .... بس بافكر .... فيه أيه فى القرأن بتقول :
وإذا ذكر الله وحده اشمأزت قلوب الذين لا يؤمنون بالأخره وإذا ذكر الذين من دونه إذا هم يستبشرون .
دى معناها ايه !!! والله أعلم ... على قد فهمى .... تلاقى مثلا واحد يأذن الظهر مايقومش يصلى ... يبص يلاقى مديره او
رئيسه فى الشغل رايح يصلى ... يطلع جرى يصلى جنب منه ..... مثلا ....
تلاقى مثلا واحد عنده مشكله ... تقوله ربنا إن شاء الله حايفرجها , خلى أملك فى ربنا كبير .... تلاقيه يبصلك بقرف .... ييجى
واحد يقوله .. والا تشيل هم ... حاأكلملك فلان الفلانى ومشكلتك حاتتحل .... تلاقيه انبسط وفرح واستبشر زى الأيه مابتقول .
ده شرك بالله والا مش شرك ؟؟؟
- أنا مش فاهم أيه علاقه ده بالإنتخابات !!!!!
- فيه كمان أيه بتقول :
ومن الناس من يتخذ من دون الله أندادا يحبونهم كحب الله والذين أمنوا أشد حبا لله .
وده اللى انا شايفه بيحصل حواليا .... كل واحد فيكم عامل من المرشح بتاعه أله .... بيحبه وبيموت فيه ... مش عايز اقول
وبيعبده .... حاطط صورته على مكتبه , وعلى عربيته , ويمكن فى أوضه نومه كمان ..... عنده إستعداد يخسر صاحبه وأخوه
ويطلق مراته كمان علشان خاطر المرشح بتاعه ..... أى واحد مش معاه يبقى عدوه علطول ....
وعلشان كده أنا بره المهزله دى .....
- هى حصلت إنك تكفرنى وتتهمنى بالشرك !!!
- حاشا لله .... أنا بس حبيت أوضح لك حاجه بما أننا اصدقاء ... حاجه فيها شبهه ... يبقى نتجنبها .....
- شبهه وكلام فارغ .... إنت والا فاهم حاجه .... عمال تزايد على من الصبح .... أنت فاكر نفسك مسلم أكتر منى .... أنت فاكر
نفسك مؤمن أكتر منى ..... للأسف الصداقه اللى بينا أنتهت من اللحظه دى ..... وخلى أفكارك لنفسك ... وخليك فى حالك من
هنا ورايح .... ماشى !!!!!
- لا حول والا قوه الا بالله العلى العظيم ..... ربنا يهديكم .
وعلشان كده أنا بره المهزله دى .....
- هى حصلت إنك تكفرنى وتتهمنى بالشرك !!!
- حاشا لله .... أنا بس حبيت أوضح لك حاجه بما أننا اصدقاء ... حاجه فيها شبهه ... يبقى نتجنبها .....
- شبهه وكلام فارغ .... إنت والا فاهم حاجه .... عمال تزايد على من الصبح .... أنت فاكر نفسك مسلم أكتر منى .... أنت فاكر
نفسك مؤمن أكتر منى ..... للأسف الصداقه اللى بينا أنتهت من اللحظه دى ..... وخلى أفكارك لنفسك ... وخليك فى حالك من
هنا ورايح .... ماشى !!!!!
- لا حول والا قوه الا بالله العلى العظيم ..... ربنا يهديكم .
No comments:
Post a Comment